Fengur er afladagbók fyrir smábáta — hvort sem þú ert á handfæri, línu, neti eða grásleppu. Einfalt viðmót, sending til Fiskistofu, og persónulegt veiðikort sem man eftir stöðum sem skiluðu afla.
Ein afladagbók fyrir öll veiðarfærin þín — handfæri, línu, net og grásleppu. Skráðu veiðina og sendu í einum smelli til Fiskistofu. Allt á einum stað.
Manstu hvar þú veiddir? Fengur gerir það. Hver veiðipunktur og afli birtist á korti — þitt eigið kort, engum öðrum sýnilegt.
Engin gjöld á þessari vertíð. Þú hjálpar okkur að gera þetta rétt — við hlustum, lögum, og bætum áður en kemur að verðlagningu.
Veiðisaga þín, staðir og afli — allt er þitt og engum öðrum sýnilegt. Við deilum ekki upplýsingum með öðrum notendum, seljum þær ekki, og notum þær ekki til annars en að þjóna þér.
Ef þú hættir að nota Feng færðu öll gögnin þín afhent og þeim eytt af okkar hálfu — án skilyrða, án spurninga.
Engin gjöld á þessari vertíð. Þú hjálpar okkur að gera þetta rétt — við hlustum, lögum, og bætum áður en kemur að verðlagningu fyrir vertíðina 2027.
Ég heiti Heimir Björnsson.
Fengur er hugarfóstur sem ég hef haft í talsverðan tíma og lét loksins verða að veruleika. Markmiðið er einfalt: kerfi sem smábátasjómenn vilja nota, ekki bara þurfa að nota.
Afi minn var sjómaður. Það mótaði eitthvað í mér sem ég er enn að uppgötva.
Ég lauk Smáskipanámskeiði 2023 og hef safnað tímum á handfæraveiðum gegnum árin. Að baki liggur einnig tæplega 20 ára starfsferill í tæknilegri þjónustu og gagnagreiningu.
Ef þú stundar strandveiðar — eða ert á línu, neti eða grásleppu — og vilt prófa Feng á þessari vertíð, heyrðu í okkur.
Fengur er enn í þróun og við bætum við notendum smátt og smátt yfir vertíðina. Fylltu út og við höfum samband þegar aðgangur opnar fyrir þig.
Engin skuldbinding. Þú prófar, gefur endurgjöf, og ákveður sjálf(ur) hvort þú heldur áfram.
Frítt í sumar 2026